Մաթեմատիկական տեսադասերի փաթեթի ստեղծում 4.1, 4.3 դասարանների և ընտրությամբ մաթեմատիկա խմբի սովորողների համար
Գունային խաղեր 4.1, 4.3 դասարանների և ընտրությամբ մաթեմատիկա խմբի սովորողների համար
Ճամփորդություն դեպի Էդիթ Պրինտ
Օրը՝ ապրիլի 25, 2024
Ժամը՝ 12:00-16:30
Վայրը՝ Էդիթ Պրինտ հրատարակչություն, (Դավիթ Մալյան 43)
Եղանակը՝ այստեղ
Շարունակել կարդալ “Ճամփորդություն դեպի Էդիթ Պրինտ”Ամփոփում — Սովորող-սովորեցնող․Learningapps.org հարթակում ուսումնական խաղերի ստեղծում
Սովորող-սովորեցնող․ Learningapps.org ուսումնական հարթակում խաղերի ստեղծում (ընտրությամբ մաթեմատիկա խմբի սովորողների հետ) նախագծի շրջանակներում մաթեմատիկայի ընտրությամբ գործունեության սովորողներին Գրետա Բակունցի աշակերտները սովորեցրեցին Learningapps.org ուսումնական ծրագրային հարթակի միջոցով պատրաստել մաթեմատիկական խաղեր, խաղ-վիկտորինաներ և խաբառեր:
Ստացված աշխատանքները՝
Մաթեմատիկան որպես երջանկությանը տանող ուղի — հոդված
Երկար ճանապարհ եմ անցել, մինչ գտել եմ այն գործերը, որ ոգեշնչում են ինձ։ Առաքելությունը, որն իրագործելու եմ եկել։ Բացառելու ուղով բազմաթիվ մասնագիտություններով եմ հետաքրքրվել, ուսումնասիրել, դասընթացների գնացել, աշխատել։ Կարել եմ պայուսակներ, գործել հելունով, մեքենայով, զարդեր պատրաստել տարբեր նյութերից։ Սա ստեղծագործական ինքնաբացահայտման ժամանակն էր։
Զուգահեռ, երբ երեխա ունեցա, մայրիկներին հուզող առաջնահերթ կարիքից ելնելով, Կրծքով կերակրման խորհրդատուի մասնագիտությունը գրավեց։ Նաև սլինգեր սկսեցի կարել՝ խթանելու համար մոր և մանկան հոգեկան առողջ երջանիկ կապը, համատեղ հեշտ կենցաղավարությունը։ Ինձ համար կարևոր նշանակություն ունի արածս գործի տված օգուտը հասարակությանը։
Շարունակել կարդալ “Մաթեմատիկան որպես երջանկությանը տանող ուղի — հոդված”Ամփոփում — Սովորող-սովորեցնող․Learningapps.org հարթակում ուսումնական խաղերի ստեղծում (հարավային դպրոցի սովորողների հետ)
Subscribe to continue reading
Subscribe to get access to the rest of this post and other subscriber-only content.
Սովորող-սովորեցնող/Learningapps.org/ուսումնական խաղերի ստեղծում (հարավային դպրոցի սովորողների հետ)
Նախագծի իրականացման ժամանակը՝ ապրիլի 9, 2024, ժ 10:00-10:30
Մասնակիցներ՝ Արևմտյան և Հարավային դպրոցների 4-5-րդ սովորողներ
Համագործակցող դասավանդողներ՝ Տաթև Մկրտչյան և Ջուլիետա Քերոբյան
Նպատակը՝
- Համագործակցային կարողությունների ձևավորում և զարգացում
- Սովորողների մտածողության զարգացում
- Ուսումնական խաղեր կազմելու համար նոր ծրագրային հարթակի ուսուցում՝ learningapps.org
- Նոր խնդիրների կազմում
- learningapps.org -ի միջոցով ուսումնական խաղերի ստեղծում
- Սովորողների որոնողական և հետազոտական աշխատանք կատարելու հմտությունների զարգացում
- Սովորողների կողմից նոր գիտելիքների ձեռք բերում
- Սովորողների կողմից ունեցած և ձեռք բերված գիտելիքների ամրապնդում
- Միմյանց լսելու և օգնելու կարողությունների ձևավորում
- Ավագ ընկերոջից նորը սերտելու պատրաստակամություն
- Մեծացնել սերը և հետաքրքրությունը մաթեմատիկայի նկատմամաբ։
Նախագծի խնդիրները.
- Համագործակցային կարողությունների զարգացում
- Ավագ ընկերոջից նորը սերտելու պատրաստակամություն
- նոր ծրագրերի, ծրագրային հարթակների, հավելվածների ճիշտ ընտրություն, ուսումնասիություն և կիրառում
- Կազմած խնդիրների հիման վրա ուսումնական խաղերի փաթեթի կազմում
Ընթացքը՝
- Արևմտյան դպրոցի սովորողները Հարավային դպրոցի ընկերներին կսովորեցնեն, թե ինչպես Learningapps.org ուսումնական օնլայն հարթակում գրանցվել և կազմել օնլայն ուսումնական խաղեր
- Միասին կկազմեն հետաքրքիր մաթեմատիկական խնդիրներ
- Իրենց կազմած խնդիրներից Learningapps.org-ի միջոցով կկազմեն ուսումնական խաղեր
- Սովորողները ուսումնական խաղեր կազմում են ինչպես խմբային, այնպես էլ անհատական եղանակով։
Արդյունքը՝
- Նոր ծրագրային օնլայն ուսումնական հարթակների և ծրագրերի յուրացում
- Նոր և հետաքրքիր մաթեմատիկական օնլայն խաղերի փաթեթի կազմում
- Մասնակցություն Դիջիթեք2024-ին։
- Մեծացնել սերը և հետաքրքրությունը մաթեմատիկայի նկատմամբ
Ուսումնական պլանի իրականացման մասին
Մաթեմատիկայի 4-րդ դասարանի ծրագրի իրականացումը համարում եմ հաջողված։ 4.1 և 4.3 դասարանների երեխաները լավ առաջադիմություն ունեն, մեծ մասը շատ ակտիվ սովորում են ու ներգրավվում դասապրոցեսին։ Տարվա ծրագիրը համարյա ավարտել ենք։ Ահա 4.1 դասարանի և 4.3 դասարանի մաթեմատիկայի փաթեթները։ Երբ կենտրոնացած ու տրամադրված են լինում, շատ ներդաշնակ է անցնում դասը, ու հեշտությամբ են կատարում առաջադրանքները։ Իրար օգնում են, բացատրում իրենց հասկացածը։ Սովորեցնելը խորապես սովորելու համար կարևոր փուլերից է, ինչը ես ողջունում եմ շատ։
Սկզբի որոշ կոնֆլիկտային իրավիճակները հետզհետե հարթվեցին, խաղաղվեցին։ Հաջողվեց դասապրոցեսին ներգրավել այնպիսի երեխաների, որոնք փակ էին, ամաչկոտ, անինքնավստահ։ Իրենց ուժերով լուծած վարժությունից հետո հաղթական ժպիտը ինձ համար առանձնահատուկ ոգեշնչում է։ Գործնականում ես տեսնում եմ, որ չկա մեկը, ով չկարողանա։ Կան ջանք չանողներ։ Դասին հաճախ եմ կրկնում, որ «եթե օրական թեկուզ հինգ րոպե ջանք թափեք նպատակի ուղղությամբ, ապա մի օր հաստատ կհասնեք ձեր նպատակին։ Օրական մի քայլ արեք թեկուզ, մի փոքր առաջ։ Անպայման կստացվի։ Ստացվում է նրա մոտ, ով փորձում է, սխալվում թեկուզ։ »
Աշխատում եմ, որ դասին մասնակցեն բոլորը՝ իրենց հնարավորություններին համապատասխան։ Անհատապես օգնում եմ, բացատրում բոլոր դիմողներին և լուռ սպասողներին։
Մաթեմատիկայի ընտրությամբ խմբի դասերը ուսումնական առաջին շրջանում միշտ չէ, որ հաջողված էի համարում։ Շատ տարբեր ունակությունների ու ձգտումների սովորողներ էին հավաքվել։ Որոշները մաթեմատիկայի նկատմամբ ոչ մի ձգտում չունեին ու դասը շատ էին խանգարում։ Բնականաբար ընդհանուր պրոցեսը դժվարացնում էր դա։ Երրորդ ուսումնական շրջանում հավաքված խմբերս բավական ներդաշնակ ու ձգտող են։ Միասնական ոգեշնչումով խնդիրներ ենք լուծում, ծրագրեր յուրացնում հանգիստ մթնոլորտում։ Դասը բազմազան ու հաճույքով ենք անցկացնում։ Ահա մաթեմատիկայի ընտրությամբ խմբի ծրագիրը և մաթեմատիկայի ընտրությամբ խմբի առաջադրանքների փաթեթը։
Եզրակացություն
Համոզվում եմ, որ ոգեշնչելը միակ միջոցն է առարկայի նկատմամբ սեր սերմանելու, դասի նկատմամբ հետաքրքրություն առաջացնելու համար։ Եվ եթե թեկուզ չի հետաքրքրում դասը, հիշողության մեջ տրավմա չի մնա։
Համոզվում եմ, որ ուսումնական պրոցեսում լիարժեքորեն մասնակից են դասավանդողը, սովորողն ու ծնողը։ Երեք կողմերի շահագրգռված աշխատանքն է ամենաարդյունավետը։
Ամփոփում — Մանկավարժական ճամբար. մարտի 25-29
Մանկավարժական ճամբարը լավ ժամանակ է դասավանդման պրոցեսից հանգստանալու, թարմանալու, գիտելիքները համալրելու, այլ դասավանդողների հետ փորձի փոխանակման և ճամփորդելու ու էլի հանգստանալու համար։
Այս ընթացքում կատարեցինք նախատեսված աշխատանքները արևմտյան դպրոցում, մասնախմբերով և մասնագիտական զարգացման այլ խմբերով։
Ընկեր Գոհարի հրաշալի ընտրությամբ պարատուն հաճախեցի, ինչը հիանալի կերպով ինձ ազատում է կուտակված լարվածությունից, ոգեշնչում, իմ մեջ հայի ոգին զարթնացնում։
Չորեքշաբթի օրը, կարճ ժամանակով հասցրի մասնակցել մանկավարժական ակումբի քննարմանը, այնուհետև մեկնեցի Հասկի հետ ճամփորդության Դեպի Տափի բերդ։
Ճամփորդություն դեպի Տափի բերդ
Այս յուրահատուկ ճամփորդությունը կարելի է համարել Հասկերի մի տարվա գոյության մեջ առաջինը։ Տարբեր տեղեր պլանավորելու երկարատև փորձերից հետո սա մեզ համար հաղթական դարձավ։ Մի ամյակի կապակցությամբ մի շատ գեղեցիկ օր՝ մանկավարժական ճամբարից հետո, մեծ ոգևորությամբ սկսեցինք ճանապարհը։ Իրար ճանաչելու ու մտերմանալու հրաշալի միջոց է ճամփա գնալը, հաց կիսելը ու դժվարություններ հաղթահարելը միասին։
Սկզբում Հրեշտակների ձորն էինք մտնելու։ Ճամփի տեսարանը շատ կտրուկ փոխվեց։ Ծաղկած ծառերի ու նորելուկ խոտի բնանկարը վերածվեց ժայռերի ու քարերի լուռ ու մեկուսի կիրճի։
Մաթեմատիկական տեսադասերի փաթեթի ստեղծում
Նախագծի իրականացման ժամանակահատվածը՝ ապրիլի 1 — հունիսի 1
Իրականացման վայրը՝ Արևմտյան դպրոց
Մասնակիցներ՝ Արևմտյան դպրոցի 4-րդ դասարանի և մաթեմատիկայի ընտրությամբ խմբի սովորողներ
Շարունակել կարդալ “Մաթեմատիկական տեսադասերի փաթեթի ստեղծում”
Ջուլիետա Քերոբյանի բլոգ 