Ճամփորդություն դեպի IQ Center նախագծին նախապատրաստվեցինք ճամբարային յոթերորդ օրը։ Իմացանք, թե ինչ է մենթալ թվաբանությունը, որտեղ է կիրառվում։ Ծանոթացանք մենթալ թվաբանության մեջ կիրառվող աբակուս համրիչին, դրանով կատարեցինք գումարման ու հանման պարզ գործողություններ։
Ճամբարային տասնչորսերորդ օրը ունեցանք Ճամփորդություն դեպի IQ Center։ Հասմիկ Սարիբեկյանի հետ մեր շատ կազմակերպված ջոկատով մասնակցեցինք մենթալ թվաբանության սեմինարին։ Մեր խմբում ունեինք երկու հոգի, ովքեր նախկինում հաճախել են մենթալ թվաբանության դասերի․ Ալեքսանդրը և Արևիկը։ Երեխաները ծանոթացան աբակ հաշվիչին, նրա օգնությամբ հաշվարկներ կատարեցին։ Փորձեցին մենթալ թվաբանության առաջադրանքները կատարել՝ ուշադրություն դարձնելով նաև պատասխանելու մեծ արագությանը։ IQ Center — ը Սեբաստացիների համար առաջարկեց մեծ զեղչ՝ 15 %: Ինչպես նաև առաջարկեց ուսուցիչներին վերապատրաստվել որպես մենթալ թվաբանության ինստրուկտոր և հետագայում իրենց հետ համագործակցել։ Ճամբարականները չզգացին, թե ինչպես անցավ մեկ ժամը, այնքան կլանված էին դասով։ Գոհ ու շնորհակալ վերադարձանք։ Ահա մի քանի րոպե դասի ընթացքից։
Ջուլիետա Քերոբյանի բլոգ 