Հուլիսի 21-ին ամփոփեցինք քառօրյա վերապատրաստումը։ Հաշվետու ամփոփմանը ներկա էին կրթահամալիրի փոխտնօրեն Գևորգ Հակոբյանը և Արևելյան դպրոց-պարտեզի ղեկավար Նառա Նիկողոսյանը։ Անմիջական, ջերմ մթնոլորտում մասնակիցներս ներկայացանք, մեր կազմած նախագծերը ներկայացրեցինք։ Չէի սպասում, որ ինձ համար այդքան սրտային նախագիծը կունենա նման ինքնաբուխ ընդունելություն։ Կարծում եմ, որ այն որպես նախագծիս հաջող սկիզբ կարող եմ համարել։ Այնուհետև կիսվեցինք մեր տպավորություններով և հետագա անելիքները քննարկեցինք։ Պայմանավորվեցինք հանդիպել Արագածի բարձունքի հաղթահարման ժամանակ։
Ջուլիետա Քերոբյանի բլոգ 